ശ്രീകണ്ഠപുരം: മയ്യില്‍- ശ്രീകണ്ഠപുരം റോഡില്‍ കൊളന്ത എല്‍.പി സ്‌കൂളിനു മുന്‍പില്‍ ലോറി മറിഞ്ഞ് രണ്ടണ്ടുപേര്‍ക്ക് പരുക്കേറ്റു.
ഇന്നലെ പുലര്‍ച്ച മൂന്നരയ്ക്കാണ് അപകടം.ഗുജറാത്തില്‍ നിന്നു  കോഴിക്കോട്ടേക്ക് പ്ലാസ്റ്റിക് മാലിന്യങ്ങളുമായി പോകുകയായിരുന്ന ചരക്കുലോറിയാണ് അപകടത്തില്‍പ്പെട്ടത്. സ്‌കൂളിനു മുന്‍പിലെ വളവിറങ്ങുമ്പോള്‍ നിയന്ത്രണം വിട്ടു മറിയുകയായിരുന്നു.
അപകടത്തില്‍ തമിഴ്‌നാട് സ്വദേശി അബ്ദു(46), നദിം(25) എന്നിവര്‍ക്കാണ് നിസാര പരുക്കേറ്റത്. ഇവര്‍  മലപ്പട്ടം പി.എച്ച്.സിയില്‍  പ്രാഥമിക ചികിത്സ തേടി. രാവിലെ മലപ്പട്ടത്തെ ചുമട്ടുതൊഴിലാളികള്‍ വന്ന് ലോഡ് ഇറക്കിയതിന് ശേഷം വളപട്ടണം ഖലാസികള്‍ വന്നാണ് ലോറി മാറ്റിയത്. വളപട്ടണം പാലത്തിലെ അറ്റകുറ്റപണി നടക്കുന്നതിനാല്‍ വാഹനങ്ങള്‍ മലപ്പട്ടം വഴിയാണ് പോകാറുള്ളത്. രണ്ടണ്ടുദിവസം മുന്‍പും  ഒരു ലോറി മതിലിടിച്ച് അപകടത്തില്‍പെട്ടിരുന്നു.