തളിപ്പറമ്പ്: ടാഗോര്‍ വിദ്യാനികേതനില്‍ പ്ലസ് വണ്‍ ഇംപ്രൂവ്‌മെന്റ് പരീക്ഷയില്‍ ആള്‍മാറാട്ടം നടത്തിയ കേസില്‍ രണ്ട് പേരെ കൂടി തളിപ്പറമ്പ് പൊലിസ് അറസ്റ്റ് ചെയ്തു. തളിപ്പറമ്പ് ഫാറൂഖ് നഗറിലെ കുട്ടുക്കന്‍ ഹൗസില്‍ കെ മുഹിദ്(18), കണ്ണൂര്‍ തയ്യിലിലെ ഫോട്ടോഗ്രാഫര്‍ കെ.വി ജോസ്പ്രകാശ് എന്നിവരാണ് ഇന്നലെ രാവിലെ അറസ്റ്റിലായത്. മുഹിദിനു വേണ്ടി പരീക്ഷ എഴുതാനെത്തിയ വെള്ളാവ് ദയാ മന്‍സിലിലെ തുന്തക്കാച്ചി പുതിയപുരയില്‍ സൈനുല്‍ ആബിദി(19)നെ വ്യാഴാഴ്ച അറസ്റ്റ് ചെയ്തിരുന്നു. ഇയാള്‍ റിമാന്‍ഡിലാണ്. കംപ്യൂട്ടറില്‍ തലമാറ്റി ഫോട്ടോ തയാറാക്കിയതിനാണ് ഫോട്ടോഗ്രാഫറെ അറസ്റ്റു ചെയ്തത്. ഇതോടെ കേസില്‍ അറസ്റ്റിലായവരുടെ എണ്ണം മൂന്നായി.