കൊണ്ടോട്ടി: ഹിമാചല്‍ പ്രദേശ് കാണാനെത്തിയ വിദ്യാര്‍ഥി പുഴയില്‍ ഒഴുക്കില്‍പ്പെട്ടു. മലപ്പുറം കൊണ്ടോട്ടി മേലങ്ങാടി സ്വദേശി ഫയാസി(20)നെയാണു പുഴയില്‍ കാണാതായത്.
പഞ്ചാബില്‍ മൂന്നാംവര്‍ഷ ബിടെക് വിദ്യാര്‍ഥിയാണു ഫയാസ്. ഇന്നലെ രാവിലെയാണു രണ്ടു കൂട്ടുകാരോടൊത്ത് ഹിമാചല്‍ പ്രദേശ് കാണാന്‍ പോയത്. കോളജ് അധികൃതരും സംഭവം അറിഞ്ഞിരുന്നില്ല. മൂന്നുപേരില്‍ ഫയാസ് കാലുകഴുകാനായി വെളളത്തിലിറങ്ങിയതും ഒഴുക്കില്‍പ്പെടുകയായിരുന്നു. കൂടെയുളളവരാണു നാട്ടിലേക്കു വിവരം അറിയിച്ചത്. ബന്ധുക്കള്‍ ഇന്നു സംഭവ സ്ഥലത്തേക്കു തിരിക്കും.