മൂവാറ്റുപുഴ: നഗരത്തിന്റെ വിവിധ പ്രദേശങ്ങളില്‍ പൈപ്പ് പൊട്ടി വെള്ളക്കെട്ട് രൂപപ്പെട്ടു. ജല അതോറിട്ടിയുടെ ഏറെ കാലപ്പഴക്കം ചെന്ന പൈപ്പുകള്‍ നഗരത്തിന്റെ വിവിധ പ്രദേശങ്ങളില്‍ പൊട്ടുന്നത് നിത്യസംഭവമായി മാറിക്കഴിഞ്ഞു. ദിവസവും നാലോ അഞ്ചോ സ്ഥലങ്ങളില്‍ പൈപ്പ് പൊട്ടി അതിരൂക്ഷമായ വെള്ളക്കെട്ടും വെള്ളക്കെട്ട് മൂലം കാല്‍നടയാത്രികരുടെ മേല്‍ ചെളിവെള്ളം തെറിക്കുന്നതും നിത്യസംഭവമാണ്.
വെള്ളൂര്‍ക്കുന്നം സിഗ്നല്‍ ജങ്ഷനില്‍ മാസങ്ങളായി പൈപ്പുപൊട്ടി ജലം പാഴാകുകയാണ്. ലതാപാലം, കെ.എസ്.ആര്‍.ടി.സി ജങ്ഷന്‍ ഈ ഭാഗങ്ങളിലും പൈപ്പ് പൊട്ടി ജലം റോഡിലൂടെ ഒഴികുപോകുന്നു. ഏറെ കാലപഴക്കം ചെന്ന പൈപ്പുകള്‍ മാറ്റാന്‍ ജല അതോറിട്ടി അധികാരികള്‍ ശ്രമിക്കാത്തതുമൂലമാണ്. നഗരമധ്യത്തില്‍ കൂടി കടുപോകുന്ന ഏറെ പഴക്കം ചെന്ന പൈപ്പുകള്‍ മാറ്റാന്‍ വേണ്ട നടപടികള്‍ സ്വീകരിക്കണമെന്ന ു ആവശ്യപ്പെട്ട് ജലവകുപ്പ് മന്ത്രിക്കും എം.എല്‍.എ.ക്കും പരാതി നല്‍കുമെന്ന് മൂവാറ്റുപുഴ പൗരസമിതി പ്രസിഡന്റ് ജിജോ പാപ്പാലില്‍ അറിയിച്ചു.