വളാഞ്ചേരി: സംസ്ഥാന വാഫി റീജിയനല്‍ ഫെസ്റ്റിന് ഇന്ന് സമാപനം കുറിക്കും. ബി,സി,ഡി,ഇ,എഫ് എന്നീ അഞ്ച് റീജിയനലുകളിലായി ഊല, ആലിയ വിഭാഗത്തിന്റെ അവസാനഘട്ട മത്സരങ്ങള്‍ യഥാക്രമം അശ്ശുഹദാ മാമ്പാ,  മജ്മഅ് കാവനൂര്‍, ദാറുസ്സലാം തിരൂര്‍, ഗ്രേസ്‌വാലി കാടാമ്പുഴ, എം.ഐ.സി പുത്തഞ്ചിറ എന്നീ  വാഫി കോളേജുകളിലായി അരങ്ങേറും. മത്സരത്തില്‍ 49 ഇനങ്ങളിലായി 46 വാഫി കോളജുകളിലെ കലാപ്രതിഭകള്‍ മാറ്റുരയ്ക്കും. നേരത്തെ നടന്ന റീജിയനല്‍ എ പി.ജി  വിഭാഗത്തിന്റെ മത്സരങ്ങളില്‍ വാളാഞ്ചേരി മര്‍ക്കസ് ചാമ്പ്യന്മാരായിരുന്നു. രാവിലെ ഒന്‍പതിന്  രജിസ്‌ട്രേഷന്‍ പൂര്‍ത്തിയാവുന്നതോടെ ആരംഭിക്കുന്ന മത്സരങ്ങള്‍ വൈകിട്ട് ആറിന് സമാപിക്കും. സമാപന  സംഗമത്തില്‍ കോ-ഓര്‍ഡിനേഷന്‍ ഓഫ് ഇസ്ലാമിക് കോളജസ് നേതാക്കളടക്കമുള്ള മത,രാഷ്ട്രീയ, സംസ്‌കാരിക രംഗത്തെ പ്രമുഖര്‍ പങ്കെടുക്കുമെന്ന് ഫെസ്റ്റ് കണ്‍വിനര്‍മാരായ മുഹ്‌സിന്‍  ഇരിങ്ങാട്ടിരി, ഫഹദ് കണ്ണൂര്‍ അറിയിച്ചു.