കരുനാഗപ്പള്ളി: ഡി.സി.സി നേതൃത്വത്തില്‍ ഗാന്ധിജയന്തി വാരാഘോഷത്തിന്റെ സമാപനം പന്‍മന ആശ്രമത്തില്‍ നടന്നു. ഇന്നലെ വൈകീട്ട് കന്നേറ്റിയില്‍ നിന്നും ഡി.സി.സി പ്രസിഡന്റ് കൊടിക്കുന്നില്‍ സുരേഷ് എം.പിയുടെ നേതൃത്വത്തില്‍ ആരംഭിച്ച ഗാന്ധിസ്മൃതി യാത്ര പന്‍മന ആശ്രമത്തില്‍ സമാപിച്ചു. യോഗത്തില്‍ മലങ്കര കാതോലിക്കാ സഭ തിരുവനന്തപുരം അതിരൂപതാ സഹായ മെത്രാന്‍ ഡോ. സാമുവേല്‍ മാര്‍ ഐറേനിയോസ് മുഖ്യ പ്രഭാഷണം നടത്തി. ഗാന്ധിയന്‍ ചൂളൂര്‍ ഭാസ്‌ക്കരന്‍നായര്‍ സംബന്ധിച്ചു. ഡി.സി.സി പ്രസിഡന്റ് കൊടിക്കുന്നില്‍ സുരേഷ് എം.പി അധ്യക്ഷത വഹിച്ചു. നേതാക്കളായ ഭാരതീപുരം ശശി, ശൂരനാട് രാജശേഖരന്‍, രാജ്‌മോഹന്‍ ഉണ്ണിത്താന്‍, കെ.സി രാജന്‍, ബിന്ദുകൃഷ്ണ, എ.ഷാനവാസ്ഖാന്‍, കെ. കരുണാകരന്‍പിള്ള, കെ. സുരേഷ്ബാബു, എന്‍. അഴകേശന്‍, പി. ജര്‍മ്മിയാസ് പങ്കെടുത്തു.