കൂത്തുപറമ്പ്: മമ്പറം മേഖല സുന്നി മഹല്‍ കോഓര്‍ഡിനേഷന്‍ കമ്മിറ്റിയുടെ നേതൃത്വത്തില്‍ പറമ്പായി ജുമാ മസ്ജിദിനു സമീപം നിര്‍മ്മിക്കുന്ന ഫിഫ്‌ളുല്‍ ഖുര്‍ആന്‍ കോളജിന്റെ ശിലാസ്ഥാപനത്തോടനുബന്ധിച്ച് മമ്പറം ടൗണില്‍ ഇന്ന് നൗഷാദ് ബാഖവി ചിറയിന്‍കീഴ് മതപ്രഭാഷണം നടത്തും. വൈകുന്നേരം നാലിന് പാണക്കാട് സയ്യിദ് റശീദലി ശിഹാബ് തങ്ങള്‍ ശിലാസ്ഥാപന കര്‍മം നിര്‍വ്വഹിക്കും. രാത്രി ഏഴിന് മമ്പറം എജുക്കേഷനല്‍ ട്രസ്റ്റ് ഗ്രൗണ്ടില്‍ നടക്കുന്ന പൊതുസമ്മേളനം  സമസ്ത സെക്രട്ടറി പി.പി ഉമര്‍ മുസ്‌ലിയാര്‍ ഉദ്ഘാടനം ചെയ്യും. കോളജിന് സ്ഥലം സംഭാവന ചെയ്ത റിട്ട. ഹൈക്കോടതി ജഡ്ജ് പി.എ.മുഹമ്മദ്, പി.എ.മാമു ഖത്തര്‍ എന്നിവരെ ചടങ്ങില്‍ ആദരിക്കും. അബ്ദുറഹ്മാന്‍ കല്ലായി, അബ്ദുസ്സലാം ദാരിമി കിണവക്കല്‍, സിദ്ദീഖ് ഫൈസി വെണ്‍മണല്‍, കെ.കെ രാജീവന്‍, മമ്പറം മാധവന്‍, മമ്പറം ദിവാകരന്‍, കെ.പി ഉസ്മാന്‍ ഹാജി, പാലത്തായി മൊയ്തു ഹാജി തുടങ്ങിയവര്‍ പങ്കെടുക്കും.