മുഹമ്മ: പാന്തേഴം പ്രകൃതി സാംസ്‌ക്കാരിക സമിതിയുടെ ഗ്രന്ഥശാല ഉദ്ഘാടനത്തോടനുബന്ധിച്ച് മാനവിക ദീപം തെളിച്ചു. മത ഗ്രന്ഥങ്ങളും പ്രത്യയശാസ്ത്രങ്ങളും മനുഷ്യന്റെ നന്മയ്ക്ക് എന്ന ശീര്‍ഷകത്തിലാണ് മാനവിക ദീപം തെളിച്ചത്.
മതനേതാക്കളും രാഷ്ട്രീയ കക്ഷി പ്രതിനിധികളും ചേര്‍ന്ന് ദീപം കൊളുത്തി പരിപാടി ഉദ്ഘാടനം ചെയ്തു.
പാന്തേഴം ജംഗ്ഷനില്‍ നടന്ന ചടങ്ങില്‍ കെ ഇ കാര്‍മ്മല്‍ സ്‌കൂള്‍ മാനേജര്‍ ഫാ.വര്‍ഗ്ഗീസ് കോട്ടൂര്‍, മുഹമ്മ പള്ളി പ്രതിനിധി കെ നാസര്‍, പാപ്പാളി ക്ഷേത്രം മേല്‍ശാന്തി ഷിബു, രാഷ്ട്രീയ കക്ഷി പ്രതിനിധികളായ എം ഡി അനില്‍കുമാര്‍, കെ വിജയന്‍, എം ജി സാബു, വി പുഷ്‌ക്കരന്‍ എന്നിവര്‍ പങ്കെടുത്തു.
ചടങ്ങില്‍ പ്രകൃതി സാംസ്‌ക്കാരിക സമിതി രക്ഷാധികാരി ടി പ്രേംനാഥ് അധ്യക്ഷത വഹിച്ചു. പി എസ് ലാലിമോന്‍, ബാബുമോന്‍ തുടങ്ങിയവര്‍ നേതൃത്വം നല്‍കി.പാന്തേഴം മുതല്‍ ചെത്തിക്കാട്ട് ജംഗ്ഷന്‍ വരെയാണ് മാനവിക ദീപം തെളിച്ചത്.
പ്രകൃതി ഗ്രന്ഥശാലയുടെ ഉദ്ഘാടനം ഇന്ന് വൈകിട്ട് 4ന് ഭക്ഷ്യമന്ത്രി പി തിലോത്തമന്‍ നിര്‍വ്വഹിക്കും. കഞ്ഞിക്കുഴി പഞ്ചായത്ത് പ്രസിഡന്റ് എം ജി രാജു അധ്യക്ഷനാകും.
ജില്ലാ പഞ്ചായത്ത് വൈസ് പ്രസിഡന്റ് ദലീമ ജോജോ മുഖ്യാതിഥിയായിരിക്കും.