പന്തല്ലൂര്‍: പന്തല്ലൂര്‍ മേഖലയെ ഭീതിയിലാഴ്ത്തി കാട്ടാനക്കൂട്ടം. പന്തല്ലൂര്‍ താലൂക്കിലെ അയ്യംകൊല്ലി, കൊളപ്പള്ളി, കോട്ടപ്പാടി, സ്വാമിയാര്‍മല തുടങ്ങിയ സ്ഥലങ്ങളിലാണ് കാട്ടാനക്കൂട്ടം ഭീതി വിതക്കുന്നത്. ഒരു കുട്ടിയുള്‍പ്പെടെയുള്ള പത്ത് ആനകളാണ് ഇവിടെ തമ്പടിച്ചിരിക്കുന്നത്. ജനങ്ങള്‍ ഭീതിയോടെയാണ് കഴിയുന്നത്. ജനങ്ങളുടെ പരാതിയെത്തുടര്‍ന്ന് ചേരമ്പാടി വനപാലകരായ രാമചന്ദ്രന്‍, പ്രകാശ് എന്നിവരുടെ നേതൃത്വത്തിലുള്ള സംഘം സ്ഥലത്തെത്തി പടക്കം പൊട്ടിച്ച് ആനകളെ വനത്തിലേക്ക് തുരത്തി. എങ്കിലും ആനകള്‍ അടിക്കടി നാട്ടിലിറങ്ങുന്നത് നാട്ടുകാരെ ഭീതിയിലാഴ്ത്തിയിരിക്കുകയാണ്.