മേപ്പാടി: തോട്ടം തൊഴിലാളികളുടെ പ്രശ്‌നങ്ങള്‍ നേരിട്ട് കണ്ട് മനസ്സിലാക്കുന്നതിന് സി.കെ ശശീന്ദ്രന്‍ എം.എല്‍.എ തോട്ടം മേഖലയില്‍ സന്ദര്‍ശനം നടത്തി. മുപ്പൈനാട് പഞ്ചായത്തിലെ തേയിലത്തോട്ടം തൊഴിലാളികളെയാണ് സന്ദര്‍ശിച്ചത്. തൊഴിലാളികള്‍ നേരിടുന്ന പ്രശ്‌നങ്ങള്‍ അദ്ദേഹം ചോദിച്ചറിഞ്ഞു.
തോട്ടം തൊഴിലാളികള്‍ക്കുള്ള ഭവന പദ്ധതിക്കാണ് പ്രഥമ പരിഗണനയെന്നദ്ദേഹം പറഞ്ഞു. എച്ച്.എം.എല്‍ ഗ്രൂപ്പ് ഹോസ്പ്പിറ്റലിലെ സൗകര്യങ്ങളും അദ്ദേഹം നേരിട്ട് കണ്ടു. വി.പി ശങ്കരന്‍ നമ്പ്യാര്‍, കെ.ടി ബാലകൃഷ്ണന്‍, പി.സി ഹരിദാസ്, വി. കേശവന്‍ തുടങ്ങിയവര്‍ അദ്ദേഹത്തോടൊപ്പമുണ്ടായിരുന്നു.