ആലപ്പുഴ: എസ്.വൈ.എസ് ആലപ്പുഴ മേഖലാ കമ്മിറ്റി കണ്‍വെന്‍ഷന്‍ മീറാസുല്‍ അമ്പിയാ മദ്രസയില്‍ നടന്നു.
പ്രസിഡന്റ് പി.എ ശിഹാബുദ്ദീന്‍ മുസ്‌ലിയാര്‍ അധ്യക്ഷത വഹിച്ചു. രാജ്യത്തെ ന്യൂനപക്ഷങ്ങളെ ആശങ്കയിലാക്കുന്ന നടപടികളില്‍ നിന്ന് കേന്ദ്രസര്‍ക്കാര്‍ പിന്തിരിയണമെന്നും ഏകസിവില്‍കോഡ് നടപ്പിലാക്കാനുള്ള ശ്രമം അവസാനിപ്പിക്കണമെന്നും യോഗം ആവശ്യപ്പെട്ടു.
മേഖലയുടെ കീഴിലുള്ള യൂണിറ്റുകള്‍ ശാക്തീകരിക്കാന്‍ ഓര്‍ഗനൈസറന്‍മാരായി രാജ,ലുഖ്മാനുല്‍ ഹക്കീം, ഇഖ്ബാല്‍, സിദ്ദീഖ് ബാഖവി, എം ബാബു വലിയമരം, യൂനുസ് എന്നിവരെ തെരഞ്ഞെടുത്തു. ശുഐബ്, ടി.എ അഷറഫ്, അബ്ദുറഹിമാന്‍ ഹാജി, സിറാജുദ്ധീന്‍ അശറഫി, സൈനുദ്ദീന്‍, ഇ.എന്‍.എസ് നവാസ്, ശാഫി റഹ്മത്തുല്ലാഹ് എന്നിവര്‍ സംസാരിച്ചു.