തിരുവനന്തപുരം: മദ്യം, മയക്കുമരുന്ന് എന്നിവയോട് മത്സ്യത്തെ സാമ്യപ്പെടുത്തി ജനങ്ങളില്‍ ആശയക്കുഴപ്പം സൃഷ്ടിച്ച വിദ്യാഭ്യാസ മന്ത്രി സി. രവീന്ദ്രനാഥ് പ്രസ്താവന പിന്‍വലിച്ച് മാപ്പു പറയണമെന്ന് കേരള സ്വതന്ത്ര മത്സ്യത്തൊഴിലാളി ഫെഡറേഷന്‍.
 രവീനദ്രനാഥിന്റെ പ്രസ്താവനയോട് വിയോജിപ്പ് പ്രകടിപ്പിക്കാന്‍ ഫിഷറീസ് മന്ത്രി മേഴ്‌സിക്കുട്ടിയമ്മ തയാറാകണമെന്നും ഫെഡറേഷന്‍ നേതാക്കളായ ടി. പീറ്ററും ജാക്‌സണ്‍ പൊള്ളയിലും പറഞ്ഞു. തിരുവനന്തപുരം വി. ജെ.ട്ടി ഹാളില്‍ ഗാന്ധി ജയന്തി വാരാഘോഷത്തിന്റെ ഭാഗമായി നടത്തിയ സെമിനാറില്‍ ആയിരുന്നു മന്ത്രിയുടെ പ്രസ്താവന. മത്സ്യം, മാംസം, മുട്ട, പുകയില, മയക്കുമരുന്ന് എന്നിവയുടെ സ്വാദ് തനിക്കറിയില്ലെന്നായിരുന്നു മന്ത്രിയുടെ പ്രസ്താവന.