പട്ടാമ്പി: പട്ടാമ്പി,തൃത്താല പരിസരപ്രദേശങ്ങളില്‍ ഞായറാഴ്ച രാത്രി 10.5 നും 10.10 നും ഇടയില്‍ ഉണ്ടായ നേരിയ ഭൂചലനത്തില്‍ നിന്ന് ഭീതി മാറാതെ ജനങ്ങള്‍.
തുടര്‍ചലന സാധ്യത ഉണ്ടാകുമെന്നാണ് ബന്ധപ്പെട്ടവര്‍ നല്‍കുന്ന സൂചനകള്‍. ഒരു ചെറുമുഴക്കത്തോടെ വന്ന ചലനം സെക്കന്റുകള്‍ക്കുള്ളില്‍ ഇല്ലാതായങ്കിലും അനുഭവപ്പെട്ടവര്‍ മറ്റു സുഹൃത്തുക്കളെയും കുടുംബക്കാരെയും പരസ്പരം അറിയിച്ചപ്പോഴാണ് ഭീതി നിറഞ്ഞത്.
പതിനൊന്ന് മണിയോടെ പട്ടാമ്പി പരിസരപ്രദേശങ്ങളിലുള്ളവര്‍ പുറത്തിറങ്ങി. വിവിധ സ്വകാര്യ ചാനലുകളിലും ഭൂചലന വിവരം വിദേശത്തുള്ളവരും അറിഞ്ഞതിനാല്‍ നാട്ടിലേക്ക് നിലക്കാത്ത ഫോണ്‍ വിളികളും ഭീതികൂടാന്‍ കാരണമായി.