ചെറുവത്തൂര്‍: മഹാകവി കുട്ടമത്ത് സ്മാരകപുരസ്‌കാരം കൈതപ്രം ദാമോദരന്‍ നമ്പൂതിരി ഏറ്റുവാങ്ങി. കുട്ടമത്ത് സ്മാരക സമിതി ഏര്‍പ്പെടുത്തിയ പുരസ്‌കാരം മന്ത്രി കടന്നപ്പള്ളി രാമചന്ദ്രന്‍ കൈതപ്രത്തിന് സമര്‍പ്പിച്ചു. എം രാജഗോപാലന്‍ എം.എല്‍.എ അധ്യക്ഷനായി. കുട്ടമത്ത് പ്രതിമ കൈതപ്രം ദാമോദരന്‍ നമ്പൂതിരി അനാഛാദനം ചെയ്തു. ജില്ലാ പഞ്ചായത്ത് പ്രസിഡന്റ് എ. ജി. സി ബഷീര്‍ ശില്‍പി സുന്ദ്രേന്‍ കൂക്കാനത്തെ ആദരിച്ചു. അഡ്വ.ഗംഗാധരന്‍ കുട്ടമത്ത്, ഡോ. പി.വി കൃഷ്ണകുമാര്‍, പി വിജയന്‍, പി ശശിധരന്‍എന്നിവര്‍ സംസാരിച്ചു. കുട്ടമത്ത് ജന്മദിനാഘോഷത്തിന്റെ ഭാഗമായി 1500ഓളം പേര്‍ക്ക് പിറന്നാള്‍ സദ്യയും വിളമ്പി.