മുക്കം: മുക്കത്തും പരിസരപ്രദേശങ്ങളിലും ഭീതിപരത്തിയ പോത്തിനെ വെടിവച്ചുകൊന്നു. പകല്‍ 12 മണിയോടെ മുരിങ്ങംപുറായില്‍ നിന്ന് ഒരാളെ കുത്തിയ പോത്തിനെ മൂന്നു മണിയോടെ വെടിവച്ച് കൊല്ലുകയായിരുന്നു.
പോത്തിന്റെ ആക്രമണത്തില്‍ പരുക്കേറ്റ ശിവ വിഷ്ണു (10), സൂര്യ (10) ,അബ്ദുറഹിമാന്‍ (42) ,ഫാത്തിമ സുഹറ (43) എന്നിവര്‍ ഇ.എം.എസ് ആശുപത്രിയിലും അബ്ദുറഹിമാന്‍ (47) ,സുമേഷ് (30) എന്നിവര്‍ കെ.എം.സി.ടി മെഡിക്കല്‍ കോളജിലും ചികിത്സ തേടി.
സംഭവം ചിത്രീകരിക്കുന്നതിനിടെ സി.ടി.വി ക്യാമറാമാന്‍ റഫീഖ് തോട്ടുമുക്കത്തിനും പോത്തിന്റെ ആക്രമണത്തില്‍ പരിക്കേറ്റു.
 എസ്.ഐ അബ്ദുറഹിമാന്‍, അഡീഷണല്‍ എസ്.ഐ സലിം ,ഫയര്‍ഫോഴ്‌സ് ജീവനക്കാര്‍, നാട്ടുകാര്‍ എന്നിവരുടെ നേതൃത്വത്തില്‍ ഏറെ നേരം ശ്രമിച്ചിട്ടും പിടികിട്ടാതായതോടെ വെടിവെച്ച് കൊല്ലുകയായിരുന്നു.