ഉരുവച്ചാല്‍: മത്സരയോട്ടം നടത്തിയ ബസുകള്‍ കൂട്ടിയിടിച്ചു. യാത്രക്കാരന്റെ കണ്ണിന് പരുക്ക്. ഇന്നലെ രാവിലെ ഉരുവച്ചാല്‍ ടൗണിലാണു സംഭവം. ബസ് യാത്രക്കാരന്‍ പാനൂരിലെ വ്യാപാരി തില്ലങ്കേരി സ്വദേശി മഷ്ഹൂദി(42)നാണ് പരുക്കേറ്റത്. മട്ടന്നൂരില്‍ നിന്നു തലശ്ശേരിയിലേക്കു പോവുന്ന ബസ് ഉരുവച്ചാലില്‍ നിര്‍ത്തിയാത്രക്കാരെ കയറ്റവെ പിറകെ എത്തിയ ബസ് മറികടക്കാനുള്ള ശ്രമത്തില്‍ ഇടിക്കുകയായിരുന്നുവെന്നു പറയുന്നു. ബസിന്റെ ചില്ലു തകര്‍ന്നു യാത്രക്കാരന്റെ കണ്ണില്‍ തെറിക്കുകയായിരുന്നു. ബസ് ജീവനക്കാരും നാട്ടുകാരും വാക്കേറ്റം നടന്നു. മട്ടന്നൂര്‍  പൊലിസ് സ്ഥലത്തെത്തി ബസുകള്‍ കസ്റ്റഡിയില്‍ എടുത്തു.