ചക്കരക്കല്‍: പെരളശേരി ഗ്രാമപഞ്ചായത്തിലെ ബാവോഡ് പരിയാരത്തു നിന്നു ആയുധങ്ങള്‍ പിടിച്ചെടുത്തു. ബി.ജെ.   പി ഓഫിസ് പരിസരത്ത് പൊലിസ് പരിശോധനയില്‍ സ്റ്റീല്‍   ബോംബും വടിവാളും ഇരുമ്പ് വടിയും കണ്ടെത്തി. ഇന്നലെ ഉച്ചയോടെ സിറ്റി സി.ഐ കെ.പി രത്‌നകുമാര്‍, ചക്കരക്കല്‍ എസ്.ഐ പി ബിജു എന്നിവരുടെ നേതൃത്വത്തിലാണ് പരിശോധന നടന്നത്. ആയുധങ്ങള്‍ സൂക്ഷിച്ചെന്നു സംശയിക്കുന്ന പരിയാരം സ്വദേശി മഹേഷിനെ പൊലിസ് കസ്റ്റഡിയിലെടുത്തു. ആര്‍.എസ്.എസ് പ്രവര്‍ത്തകനായ ഇയാളെ ചോദ്യം ചെയ്തുവരികയാണ്.