അരീക്കോട്: നിയന്ത്രണം വിട്ട കാര്‍ ഇടിച്ച് വീടിന്റെ ചുറ്റുമതില്‍ തകര്‍ന്നു. കാറിലുണ്ടായിരുന്നവര്‍ നിസാര പരുക്കുകളോടെ രക്ഷപ്പെട്ടു. അരീക്കോട് പുത്തലം അങ്ങാടിക്കടുത്ത് കഴിഞ്ഞ ദിവസം രാത്രി പതിനൊന്നോടെയാണ് സംഭവം.
അരീക്കോട് ഭാഗത്ത് നിന്ന് മഞ്ചേരിയിലേക്ക് പോവുകയായിരുന്ന കാറാണ് നിയന്ത്രണം നഷ്ടപ്പെട്ടതിനെ തുടര്‍ന്ന് എതിര്‍ ദിശയിലുള്ള വിട്ടുമുറ്റത്തേക്ക് പാഞ്ഞുകയറിയത്. വീടിന്റെ ചുറ്റുമതില്‍ മതില്‍ പൂര്‍ണമായും തകര്‍ന്നു.
കാര്‍ ഓടിച്ചിരുന്ന ആള്‍ ഉറങ്ങിയതാണ് കാരണം. ഇടിയുടെ ആഘാതത്തില്‍ കാര്‍ നടുറോഡിലേക്ക് തെറിച്ചു. ഇതുവഴി വന്ന യാത്രക്കാരും പ്രദേശവാസികളും കാര്‍ റോഡരികിലേക്ക് മാറ്റി ഗതാഗതം പൂര്‍വ സ്ഥിതിയിലാക്കി. കാറിന്റെ മുന്‍ഭാഗവും വലതുവശവും തകര്‍ന്നു.