കട്ടാങ്ങല്‍:  കേന്ദ്രസര്‍ക്കാര്‍ നടപ്പിലാക്കാനുദ്ദേശിക്കുന്ന ഏകസിവില്‍കോഡ് നിയമം  എതിര്‍ക്കപ്പെടേണ്ടതാണെന്ന് എസ്.വൈ.എസ് എലങ്കാല്‍ യോഗം. ഇന്ത്യ പോലുള്ള മതേതര രാജ്യത്ത് ഇത്തരം  നിലപാടുകള്‍  വിലപ്പോവില്ലെന്നും ഈ നിയമത്തില്‍ നിന്ന്  കേന്ദ്രസര്‍ക്കാര്‍  പിന്തിരിയണമെന്നും യോഗം ആവശ്യപ്പെട്ടു. യു.കെ ഖാസിം ഹാജി ഉദ്ഘാടനം ചെയ്തു. വി.കെ ഹസൈനാര്‍ ഹാജി അധ്യക്ഷനായി. എം.എ  അഹമ്മദ്  മൗലവി, എ. മുഹമ്മദ് കോയ, എ ആലിക്കുട്ടി, എ.കെ കുഞ്ഞായി, പി.കെ  ബഷീര്‍, എം.എം അബ്ദുല്‍ അസീസ് സംസാരിച്ചു.