എടപ്പാള്‍: കര്‍ഷകരുടെ ദുരിതത്തിന് പരിഹാരമായി തവനൂര്‍ ഇറിഗേഷന്‍ പമ്പ് ഹൗസില്‍നിന്നു തുടര്‍ച്ചയായി വെള്ളമെത്താന്‍ തുടങ്ങി. തവനൂര്‍ പമ്പ് ഹൗസില്‍ പുതുതായി രണ്ടണ്ടു മോട്ടോറുകള്‍കൂടി സ്ഥാപിച്ചതോടെയാണ് ജലക്ഷാമത്തിന് പരിഹാരമായത്. മുന്‍പ് ഭാഗികമായി മാത്രമാണ് ഇവിടെ ജലവിതരണം നടത്തിയിരുന്നത്. അതിനാല്‍ ആവശ്യത്തിനു വെള്ളം ലഭിക്കാതെ പ്രദേശത്തെ നെല്‍ക്കര്‍ഷകര്‍ ബുദ്ധിമുട്ടിലായിരുന്നു. മോട്ടോര്‍ സ്ഥാപിച്ച് ജലവിതരണം തുടങ്ങിയതോടെ മഴയുടെ കുറവ് മൂലം ബുദ്ധിമുട്ടിലായിരുന്ന കര്‍ഷകര്‍ക്ക് ആശ്വാസമായിരിക്കുകയാണ്. പമ്പ് ഹൗസില്‍നിന്നുള്ള കനാലുകള്‍ വഴി അതളൂര്‍, തവനൂര്‍ പ്രദേശങ്ങളിലെ ഹെക്ടര്‍ കണക്കിന് നെല്‍വയലുകളിലേക്കാണ് ഇപ്പോള്‍ വെള്ളമെത്തുന്നത്.