രത്‌ലം: മധ്യപ്രദേശില്‍ ബസ് വെള്ളക്കുഴിയിലേക്ക് വീണ് 13 പേര്‍ മരിച്ചു. നിരവധി പേര്‍ക്ക് പരുക്കേറ്റു. രത്‌ലം ജില്ലയിലെ നമ്‌ലി ടൗണിലാണ് അപകടം. സംഭവത്തില്‍ മൂന്നു പേര്‍ രക്ഷപ്പെട്ടതായി പൊലിസ് പറഞ്ഞു.

രത്‌ലത്തില്‍ നിന്നും ജഓറയിലേക്കുള്ള യാത്രമധ്യേയാണ് അപകടം. ബസ്സിന്റെ അമിതവേഗതയാണ് അപകടത്തിന് കാരണമെന്ന് ദൃക്‌സാക്ഷികള്‍ പറഞ്ഞതായി പൊലിസ് പറഞ്ഞു. അമിതവേഗത കാരണം നിയന്ത്രണം വിട്ട് ബസ്സ് വെള്ളക്കുഴിയിലേക്ക് മറിയുകയായിരുന്നു.

അപകടത്തില്‍ 13 പേരുടെ മൃതദേഹം കണ്ടെത്തിയതായി രത്‌ലം എ.എസ്.പി പ്രശാന്ത് ചൗബ് പറഞ്ഞു. പരുക്കേറ്റവരെ അടുത്തുള്ള ആശുപത്രിയില്‍ പ്രവേശിപ്പിച്ചു.  നാട്ടുകാരും ഫയര്‍ഫോഴ്‌സും ചേര്‍ന്നാണ് രക്ഷപ്രവര്‍ത്തനം നടത്തിയത്.