തൊടുപുഴ: കൂലി കൊടുത്തില്ലെന്നാരോപിച്ച് മദ്യലഹരിയില്‍ യുവാവ് ഹോട്ടല്‍ അടിച്ചുതകര്‍ത്തു.തൊടുപുഴ അമ്പലം ബൈപാസ് റോഡിലുള്ള പോറ്റീസ് ഹോട്ടലിനുള്ളിലാണ് യുവാവ് ഇന്നലെ ഉച്ചയോടെ അതിക്രമം നടത്തിയത്.കലയന്താനി സ്വദേശി ബിജുവിനെ പൊലിസ് കസ്റ്റഡിയിലെടുത്തു.
ഹോട്ടലിലെ മുന്‍ ജീവനക്കാരനാണ് ഇയാള്‍.കുറെ നാളായി അടച്ചിട്ടിരുന്ന ഹോട്ടല്‍ വാടകക്ക് കൊടുക്കുന്നതിനായി ഇട്ടിരിക്കുകയായിരുന്നു.ഇതിന്റെ ഭാഗമായി ഉടമകള്‍ ഇന്നലെ കട തുറന്ന ശേഷം ഗ്ലാസ് മാത്രം അടച്ച് പുറത്ത് പോയി തിരികെ എത്തിയപ്പോഴാണ് ചില്ല് തകര്‍ത്തത് ശ്രദ്ധയില്‍പെട്ടത്.തുടര്‍ന്ന് നടത്തിയ പരിശോധനയില്‍ കടക്കുള്ളില്‍ അതിക്രമം നടത്തിയ യുവാവ്  അവിടെ കിടന്ന് ഉറങ്ങുന്നത് കണ്ടെത്തി.കടയുടമ അറിയിച്ചതിനെ തുടര്‍ന്ന് പൊലിസ് എത്തി ഇയാളെ കസ്റ്റഡിയിലെടുത്തു.