ജറൂസലേം: മുസ്‌ലിംകളുടെ മൂന്നാമത്തെ ഹറമായ അഖ്‌സ പള്ളി വളപ്പില്‍ ഇസ്‌റാഈല്‍ സ്വീകരിക്കുന്ന നയത്തിനെതിരേ യു.എന്‍ പ്രമേയം പാസാക്കിയതിനു പിന്നാലെ യുനെസ്‌കോയുമായുള്ള സഹകരണം ഇസ്‌റാഈല്‍ നിര്‍ത്തലാക്കി. അധിനിവേശ കിഴക്കന്‍ ജറൂസലേമിലാണ് അഖ്‌സപള്ളി സ്ഥിതിചെയ്യുന്നത്. മുസ്‌ലിംകള്‍ പള്ളിയിലെത്തുന്നത് തടയുന്ന ഇസ്‌റാഈല്‍ നടപടിയെ യു.എന്‍ കള്‍ച്ചറല്‍ സമിതി പ്രമേയത്തിലൂടെ വിമര്‍ശിച്ചിരുന്നു.
തുടര്‍ന്നാണ് ഇസ്‌റാഈല്‍ പള്ളിയുമായി ബന്ധപ്പെട്ട പൈതൃക പദ്ധതിയില്‍ നിന്ന് പിന്മാറിയത്.
ലോകത്തെ സംരക്ഷിത പൈതൃകപട്ടികയില്‍ ഇടം നേടിയ പള്ളിയാണ് മസ്ജിദുല്‍ അഖ്‌സ. ഇസ്‌റാഈല്‍ അധിനിവേശം അവസാനിപ്പിക്കുകയും ഫലസ്തീന്‍ രാഷ്ട്രത്തെ അംഗീകരിക്കുകയും ചെയ്യണമെന്നുമാണ് യു.എന്‍ പ്രമേയം.