കോയമ്പത്തൂര്‍: തമിഴ്‌നാട് മുഖ്യമന്ത്രി ജയലളിതയുടെ ആരോഗ്യസ്ഥിതിയില്‍ മനംനൊന്ത് എ.ഐ.എ.ഡി.എം.കെ പ്രവര്‍ത്തകന്‍ ജീവനൊടുക്കി. തിരുപ്പൂര്‍ ജില്ലയിലാണ് സംഭവം.പാര്‍ട്ടി മുന്‍ ജില്ലാ സെക്രട്ടറി വെള്ളയപ്പന്‍ (70) ആണ് ജീവനൊടുക്കിയത്. കഴിഞ്ഞ സെപ്റ്റംബര്‍ 22 ന് ജയലളിതയെ ആശുപത്രിയില്‍ പ്രവേശിപ്പിച്ചതുമുതല്‍ വെള്ളയപ്പന്‍ വിഷാദത്തിലായിരുന്നു. തൃപുരയിലെ ഷോളയാറിലെ വീട്ടില്‍ വിഷം കഴിച്ചാണ് ഇയാള്‍ ജീവനൊടുക്കിയത്.പത്രത്തില്‍ ജയലളിതയുടെ ആരോഗ്യത്തെ കുറിച്ച് വന്ന റിപ്പോര്‍ട്ടുകള്‍ വായിച്ച ശേഷം ഇയാള്‍ വീണ്ടും വിഷാദത്തിലാവുകയായിരുന്നു.