കൊട്ടാരക്കര: അനന്തപുരി സഹോദയ കോപ്ലംക്‌സിന്റെ നാലാമത് കലോത്സവം 20, 21, 22 തിയതികളില്‍ ചെങ്ങമനാട് ബി.ആര്‍.എം സ്‌കൂളില്‍ നടക്കുമെന്ന് സംഘാടകര്‍ പത്രസമ്മേളനത്തില്‍ അറിയിച്ചു.
സര്‍ഗോത്സവം 2016 എന്ന പരിപാടിയില്‍ തിരുവനന്തപുരം, കൊല്ലം, പത്തനംതിട്ട ജില്ലകളിലെ നാല്‍പതോളം സി.ബി.എസ്.ഇ സ്‌കൂളില്‍ നിന്നായി 2000 കലാപ്രതിഭകള്‍ പങ്കെടുക്കും. നാല് വിഭാഗങ്ങളിലായി ഇരുനൂറോളം മത്സര ഇനങ്ങളാണ് 9 സ്റ്റേജുകളിലായി നടക്കുന്നത്. 20ന് രാവിലെ 9ന് ഉദ്ഘാടനം ബി.ആര്‍.എം സ്‌കൂള്‍ മാനേജര്‍ സുധാഅശോകന്‍ നിര്‍വഹിക്കും. സഹോദയ കോപ്ലംക്‌സിന്റെ പ്രസിഡന്റ് കെ.എം മാത്യു അധ്യക്ഷനായിരിക്കും. സ്റ്റേജ് ഇതര മത്സരങ്ങള്‍ വിവിധ സ്‌കൂളുകളിലായി 15ന് നടക്കും.
പത്രസമ്മേളനത്തില്‍ സഹോദയകോപ്ലംക്‌സ് പ്രസിഡന്റ് കെ.എം മാത്യു, ട്രഷറര്‍ ഡാനിയേല്‍ തെക്കടത്ത്, സ്വാഗത സംഘം രക്ഷാധികാരി സുധാഅശോകന്‍, വൈസ്‌ചെയര്‍മാന്‍ സതീഷ്ചന്ദ്രന്‍, ജനറല്‍കണ്‍വീനര്‍ ബാലഗോപാല്‍ എന്നിവര്‍ പങ്കെടുത്തു.