മലപ്പുറം: പൊന്മള കിഴക്കേത്തലയില്‍ ഇന്നോവാ കാര്‍ ബൈക്കിലിടിച്ചു രണ്ടു പേര്‍ക്കു പരുക്ക്. ഇന്നലെ രാത്രി എട്ടോടെയാണ് അപകടം. കോട്ടക്കല്‍ ഭാഗത്തുനിന്നു വരികയായിരുന്ന കാര്‍ നിയന്ത്രണം വിട്ടു മലപ്പുറത്തുനിന്നും കോട്ടക്കല്‍ ഭാഗത്തേക്ക് പോവുകയായിരുന്ന ദമ്പതികള്‍ സഞ്ചരിച്ച ബൈക്കില്‍ ഇടിക്കുകയായിരുന്നു. 

അപകടത്തില്‍ ഗുരുതരമായി പരുക്കേറ്റ കോട്ടക്കല്‍ പറമ്പിലങ്ങാടി സ്വദേശി നിഷാദ് (25), ഭാര്യ ഫാത്തിമ ഷഫ്‌റിന്‍ (21) എന്നിവരെ കോട്ടക്കലിലെ സ്വകാര്യ ആശുപത്രിയില്‍ പ്രവേശിപ്പിച്ചു.