കാടാമ്പുഴ: കോളജ് യൂണിയന്‍ തെരഞ്ഞെടുപ്പിന്റെ മുന്നോടിയായി 'വിവേചനരഹിത വിദ്യഭ്യാസം, വിദ്യാര്‍ഥി സൗഹൃദ കലാലയം' എന്ന പ്രമേയവുമായി എം.എസ്.എഫ് സംസ്ഥാന കമ്മിറ്റി സംഘടിപ്പിച്ച കാംപസ് റൈധിന് കോട്ടക്കല്‍ മണ്ഡലത്തിലെ വിവിധ ക്യാംപസുകളില്‍ സ്വീകരണം നല്‍കി. സംസ്ഥാന വൈസ് പ്രസിഡന്റ് നയിച്ച മധ്യമേഖലാ ക്യാംപസ് റൈഡ് മരവട്ടം ഗ്രെയ്‌സ് വാലി കോളജില്‍ നിന്നും ആരംഭിച്ചു.
വളാഞ്ചേരി എം.ഇ.എസ് കെ.വി.എം കോളജ്, പൂക്കാട്ടിരി സഫ കോളജ്, പുറമണ്ണൂര്‍ മജ്‌ലിസ് കോളജ്, മങ്കട ഗവ.കോളജ് എന്നിവിടങ്ങളില്‍ പര്യടനം നടത്തി മലപ്പുറത്ത് സമാപിച്ചു. ജാഥാ അംഗങ്ങളായ സംസ്ഥാനസെക്രട്ടറി കെ.കെ അസീസ്, സംസ്ഥാന ഹൈസ്‌കൂള്‍ വിങ് കണ്‍വീനര്‍ ജുനൈദ് പാമ്പലത്ത് സംസാരിച്ചു. മണ്ഡലം ഭാരവാഹികളായ വി.എ വഹാബ്, ടി.പി റിഷാദ്, മുഹ്‌സിന്‍ വടക്കുംമുറി, ഫഹദ് കാലൊടി, ഫാസില്‍, റിഫാക്കത്തലി, അജ്‌നാസ്  പങ്കെടുത്തു.