തലശ്ശേരി: ധര്‍മ്മടത്ത് ആറ് സ്റ്റീല്‍ ബോംബുകള്‍ പിടിച്ചെടുത്തു.
ധര്‍മ്മടം ബ്രണ്ണന്‍ കോളജിന് സമീപത്തെ ഡ്രൈവിംഗ് ടെസ്റ്റ് ഗ്രൗണ്ടിന് പരിസരത്തെ ആള്‍ പാര്‍പ്പില്ലാത്ത പറമ്പില്‍ നിന്നാണ് ബോംബുകള്‍ കണ്ടെടുത്തത്.
രഹസ്യ വിവരത്തെ തുടര്‍ന്ന് ധര്‍മ്മടം എസ്.ഐ നളിനാക്ഷന്റെ നേതൃത്വത്തില്‍ നടത്തിയ തിരച്ചിലിനിടയിലാണ് ഇന്നലെ രാത്രിയോടെ ബോംബുകള്‍ കണ്ടെടുത്തത്.
കഴിഞ്ഞ ദിവസം പിണറായിയില്‍ കൊലപാതകം നടന്ന ദിവസം  ഡ്രൈവിംഗ് ഗ്രൗണ്ടിന് സമീപത്തെ സി.പി.എം അനുഭാവിയുടെ ഒരു ചായക്കടക്ക് നേരെയും ബി.ജെ.പി നിയന്ത്രണത്തിലുള്ള സ്‌പോര്‍ട്‌സ് ക്ലബ്ബിന് നേരെയും അക്രമം നടന്നിരുന്നു.
പിടികൂടിയ ബോംബുകള്‍ ധര്‍മടം പൊലിസ് സ്റ്റേഷനില്‍ സൂക്ഷിച്ചിരിക്കുകയാണ്.