ശ്രീകണ്ഠപുരം:  വില്‍പ്പനയ്ക്കായി ബൈക്കില്‍ കടത്തുകയായിരുന്ന 21 കുപ്പി വിദേശമദ്യവുമായി യുവാവിനെ പയ്യാവൂര്‍  പൊലിസ് അറസ്റ്റു ചെയ്തു.പയ്യാവൂര്‍ ടൗണിലെ ഓട്ടോ ടാക്‌സി ഡ്രൈവറും എലിക്കുളം സ്വദേശിയുമായ വെള്ളാരം കുന്നേല്‍ ബിപിനെ(25)നെയാണ് പ്രിന്‍സിപ്പല്‍ എസ്.ഐ സി മല്ലികയും സംഘവും അറസ്റ്റു ചെയ്തത്. ഇന്നലെ രാവിലെ വീട്ടില്‍ സൂക്ഷിച്ച മദ്യവുമായി ബൈക്കില്‍ പയ്യാവൂരിലേക്ക് വരുന്നതിനിടെയാണ് പിടിയിലായത്. ഇയാള്‍ പ്രദേശത്ത് മദ്യ വില്‍പന പതിവാക്കിയതായുള്ള രഹസ്യവിവരത്തെ തുടര്‍ന്നാണ്  പൊലിസ് അന്വേഷണമാരംഭിച്ചത്. പ്രതിയെ കോടതി റിമാന്റ് ചെയ്തു.