മതിലകം: മതിലകം സെന്റ് ജോസഫ് ഹയര്‍ സെക്കന്‍ഡറി സ്‌കൂളില്‍ ജൈവ പച്ചക്കറി കൃഷിക്ക് തുടക്കം. സ്‌കൂളിലെ കാര്‍ഷിക ക്ലബും പാപ്പിനിവട്ടം സര്‍വിസ് സഹകരണ ബാങ്ക് ഗോഡ്‌സ് ഓണ്‍ ഫാമിങും സംയുക്തമായാണ് പദ്ധതി നടപ്പിലാക്കുന്നത്. സ്‌കൂള്‍ മാനേജര്‍ ഫാദര്‍ റവ. ജോസഫ് കുന്നത്തൂര്‍ പച്ചക്കറി തോട്ടത്തിന്റെ ഉദ്ഘാടനം നിര്‍വഹിച്ചു. പി.ടി.എ പ്രസിഡന്റ് അലക്‌സാണ്ടര്‍ അധ്യക്ഷനായി. ഗോഡ്‌സ് ഓണ്‍ ഫാമിങ് പ്രതിനിധി ഹനീഷ്‌കുമാര്‍ ജൈവ പച്ചക്കറി ഉത്പാദന രീതികളെ കുറിച്ച് വിദ്യാര്‍ഥികള്‍ക്ക് ക്ലാസ് എടുത്തു. പ്രിന്‍സിപ്പാള്‍  സി.എം.സ്റ്റെല്ല, പോള്‍ മെര്‍ച്ചന്‍സ് പ്രതിനിധി വിനോദ്, എം.പി.ടി.എ.പ്രസിഡന്റ് സതീദേവി, പാപ്പിനിവട്ടം സര്‍വിസ് സഹകരണ ബാങ്ക് പ്രസിഡന്റ് അഡ്വ. മുഹമ്മദ് ഷെഫീര്‍, പ്രൊജക്ട് കോ ഓഡിനേറ്റര്‍ മിഥുന്‍ ഡേവിസ്, സ്വപ്ന ചന്ദ്രന്‍ എന്നിവര്‍ സംസാരിച്ചു.