സുല്‍ത്താന്‍ ബത്തേരി: ഒരു സംഘമാളുകള്‍ വീട്ടില്‍ അതിക്രമിച്ചു കയറി സ്ത്രീകളടക്കമുള്ളവരെ മര്‍ദിക്കുകയും വീടിനുനേരെ ആക്രമണം നടത്തുകയും ചെയ്തതായി പരാതി. ചുള്ളിയോട് പുളിമുക്ക് ഫാത്തിമയുടെ വീട്ടിലാണു കഴിഞ്ഞ ദിവസം രാത്രിയില്‍ ഒരു സംഘമാളുകള്‍ ആക്രമണം നടത്തിയത്.
ഫാത്തിമ(68), മരുമകന്‍ നസീര്‍(51), ഫാത്തിമയുടെ മക്കളായ സൈനബ(48), മുനീറ(38) എന്നിവര്‍ക്കാണ് മര്‍ദനമേറ്റത്. ഇവര്‍ ബത്തേരിയിലെ സ്വകാര്യ ആശുപത്രിയില്‍ ചികിത്സയിലാണ്. സംഭവത്തില്‍ അമ്പലവയല്‍ പൊലിസ് കേസെടുത്തു.