കോട്ടയം: 18മത് കുര്യാക്കോസ് ഏലിയാസ് ട്രോഫി വോളിബോള്‍ ടൂര്‍ണമെന്റും സില്‍വര്‍ ജൂബിലി മെമ്മോറിയല്‍ ഫുട്‌ബോള്‍ ടൂര്‍ണമെന്റും ഇന്നു മുതല്‍ 24 വരെ മാന്നാനം കെഇ സ്‌കൂള്‍ മൈതാനത്ത് നടക്കും. വോളിബോള്‍ മത്സരത്തില്‍ എട്ട് പെണ്‍കുട്ടികളുടെ ടീമുകള്‍ ഉള്‍പ്പെടെ 26 ടീമുകള്‍ മാറ്റുരയ്ക്കും.
ഫുട്‌ബോള്‍ ടൂര്‍ണമെന്റില്‍ എട്ടു ടീമുകള്‍ പങ്കെടുക്കും. ഇന്നു ഉച്ചകഴിഞ്ഞ് ഇന്ത്യന്‍ ഫുട്‌ബോള്‍ മുന്‍താരം സി.വി. പാപ്പച്ചന്‍ ടൂര്‍മെന്റുകള്‍ ഉദ്ഘാടനം ചെയ്യും. തിരുവനന്തപുരം സെന്റ് ജോസഫ് പ്രൊവിന്‍സ് പ്രൊവിന്‍ഷ്യാള്‍ ഫാ. സിറിയക് മഠത്തില്‍ സിഎംഐ അധ്യക്ഷതവഹിക്കും. അതിരമ്പുഴ പഞ്ചായത്ത് പ്രസിഡന്റ് ആന്‍സ് വര്‍ഗീസ് പതാക ഉയര്‍ത്തും. സ്‌കൂള്‍ പ്രിന്‍സിപ്പാള്‍ ഫാ. ജെയിംസ് മുല്ലശേരി, ഫാ. സേവ്യര്‍ അമ്പാട്ട്, ഷാജി ജോര്‍ജ്, സൗമ്യ വാസുദേവന്‍, സാബു തോമസ്, കെ.ഡി. സെബാസ്റ്റ്യന്‍ എന്നിവര്‍ പ്രസംഗിക്കും. 24നു രാവിലെ 9.30നു നടക്കുന്ന സമാപന സമ്മേളനത്തില്‍ മാന്നാനം ആശ്രമ ദേവാലയ അധിപന്‍ ഫാ. സെബാസ്റ്റ്യന്‍ ചാമത്തറ അധ്യക്ഷതവഹിക്കും. ഇന്ത്യന്‍ വോളിബോള്‍ മുന്‍താരം കിഷോര്‍ കുമാര്‍ ട്രോഫികളും സര്‍ട്ടിഫിക്കറ്റുകളും നല്കും. ഫാ. ജെയിംസ് മുല്ലശേരി, ഫാ. മാത്യു കരീത്തറ, ഫാ. ആന്റണി കാഞ്ഞിരത്തിങ്കല്‍, സുബി മരിയ എന്നിവര്‍ പ്രസംഗിക്കും. പത്രസമ്മേളനത്തില്‍ ഫാ. ജെയിംസ് മുല്ലശേരി, ജിലു സിറിയക്, കെ.ജെ. തോമസ്, സന്തോഷ് ജോസ് എന്നിവര്‍ പങ്കെടുത്തു.