കോട്ടപ്പുറം: എം.എസ്.എഫ് കോട്ടപ്പുറം ശാഖാ സമ്മേളനത്തിന്റെ ഭാഗമായി സ്ഥാപിച്ച പ്രചരണ ബോര്‍ഡ് കരിഓയില്‍ ഒഴിച്ചു നശിപ്പിച്ചതായി പരാതി. കഴിഞ്ഞ ദിവസം രാത്രിയായിരുന്നു സംഭവം. ഗവ.ഹയര്‍സെക്കന്‍ഡറി സ്‌കൂളിനു സമീപം സ്ഥാപിച്ച ബോര്‍ഡാണു വികൃതമാക്കിയത്. ഐ.എന്‍.എല്‍ പ്രവര്‍ത്തകരാണു ഇതിനു പിന്നിലെന്നു എം.എസ്.എഫുകാര്‍ ആരോപിച്ചു. അല്‍പസമയം ഇരു വിഭാഗവും തമ്മില്‍ വാക്കേറ്റവുമുണ്ടായി. നീലേശ്വരം പൊലിസില്‍ പരാതി നല്‍കി. സ്ഥലത്തു പൊലിസ് ബന്തവസും ഏര്‍പ്പെടുത്തിയിട്ടുണ്ട്.
         അതേസമയം സ്‌കൂളിനു സമീപം റോഡരികിലുണ്ടായിരുന്ന തണല്‍ മരം സാമൂഹ്യ ദ്രോഹികള്‍ മുറിച്ചു മാറ്റി. കഴിഞ്ഞ ദിവസം രാത്രി തന്നെയായിരുന്നു ഇതും നടന്നത്.
ഇതുമായി ബന്ധപ്പെട്ടും പൊലിസ് കേസെടുത്തിട്ടുണ്ട്.