കോഴിക്കോട്: സമസ്ത കേരള സുന്നി ബാലവേദിയുടെ ആഭിമുഖ്യത്തില്‍ ജില്ലയിലെ റെയ്ഞ്ച് പ്രസിഡന്റ്, സെക്രട്ടറി, ട്രഷറര്‍, കണ്‍വീനര്‍, ജില്ലാ കൗണ്‍സിലര്‍ എന്നിവരെ പങ്കെടുപ്പിച്ച് നവംബര്‍ അഞ്ചിനു കൊയിലാïണ്ടിയിലെ മാടാക്കരയില്‍ നടക്കുന്ന ജില്ലാ ലീഡേഴ്‌സ് മീറ്റിന് അന്തിമരൂപമായി. രാവിലെ ഒന്‍പതിന് സ്വാഗതസംഘം ചെയര്‍മാന്‍ പി.വി ഹംസ പതാക ഉയര്‍ത്തും. എസ്.കെ.ജെ.എം ജില്ലാ പ്രസിഡന്റ് കെ.കെ ഇബ്‌റാഹിം മുസ്‌ലിയാര്‍ പ്രാര്‍ഥന നടത്തും. ജില്ലാ ചെയര്‍മാന്‍ സൈനുല്‍ ആബിദീന്‍ തങ്ങള്‍ അധ്യക്ഷനാകും. എസ്.കെ.എസ്.എസ്.എഫ് സംസ്ഥാന പ്രസിഡന്റ് പാണക്കാട് സയ്യിദ് ഹമീദലി ശിഹാബ് തങ്ങള്‍ ഉദ്ഘാടനം ചെയ്യും.
സലാം ഫൈസി മുക്കം, ടി.വി.സി അബ്ദുസ്സമദ് ഫൈസി, മുസ്തഫ ദാരിമി അടിവാരം പ്രഭാഷണം നടത്തും. അഷ്‌റഫ് മലയില്‍ പഠനക്ലാസിന് നേതൃത്വം നല്‍കും. 12ന് ജില്ലാ വാര്‍ഷിക കൗണ്‍സില്‍ മീറ്റില്‍ കണ്‍വീനര്‍ പി. ഹസൈനാര്‍ ഫൈസി അധ്യക്ഷനാകും. എസ്.കെ.എസ്.ബി.വി സംസ്ഥാന സെക്രട്ടറി ശഫീഖ് മണ്ണഞ്ചേരി ഉദ്ഘാടനം ചെയ്യും. റിട്ടേണിങ് ഓഫിസര്‍ സംസ്ഥാന വര്‍ക്കിങ് സെക്രട്ടറി സാജിര്‍ കൂരിയാട് തെരഞ്ഞെടുപ്പിന് നേതൃത്വം നല്‍കും. യോഗത്തില്‍ ജില്ലാ പ്രസിഡന്റ് വി.ആര്‍ മുഹമ്മദ് ഹസന്‍ ജിഫ്‌രി അധ്യക്ഷനായി. സൈനുല്‍ ആബിദീന്‍ തങ്ങള്‍ ഉദ്ഘാടനം ചെയ്തു. പി. ഹസെനാര്‍ ഫൈസി പ്രൊജക്ട് അവതരിപ്പിച്ചു. പി.പി മുഹമ്മദ് ഫാഇസ്, എം.കെ മുഹമ്മദ് റിസ്‌വിന്‍, വി.പി മുഹമ്മദ് ആശിഖ്, വി. മുഹമ്മദ് റസിന്‍ സംസാരിച്ചു. ജനറല്‍ സെക്രട്ടറി ഫുആദ് വെള്ളിമാട്കുന്ന് സ്വാഗതവും ട്രഷറര്‍ മുഹമ്മദ് മുഹ്‌സിന്‍ ഒമശ്ശേരി നന്ദിയും പറഞ്ഞു.