ബെയ്ജിങ്: ഹൈമ ചുഴലിക്കാറ്റ് ചൈനയിലും കടുത്ത നാശം വിതയ്ക്കുന്നു. ദക്ഷിണ ചൈനയിലെ ഗ്വാങ്‌ഡോങ് പ്രവിശ്യയില്‍ 1.69 ദശലക്ഷം പേരെ ഹൈമ ബാധിച്ചുവെന്ന് സിവില്‍ ഡിഫന്‍സ് അറിയിച്ചു. ഫിലിപ്പൈന്‍സില്‍ നാശം വിതച്ച ശേഷം വെള്ളിയാഴ്ചയാണ് ഹൈമ ചൈനയിലെത്തിയത്. നിരവധി നഗരങ്ങളില്‍ കാറ്റ് ജനജീവിതം താറുമാറാക്കിയെന്ന് സിന്‍ഹുവ റിപ്പോര്‍ട്ട് ചെയ്തു. ആളപായം റിപ്പോര്‍ട്ട് ചെയ്യപ്പെട്ടിട്ടില്ല.