പാറക്കടവ്: കുറുവന്തേരി കല്ലമ്മലില്‍ രണ്ട് യൂത്ത് ലീഗ് പ്രവര്‍ത്തകര്‍ക്ക് മര്‍ദനമേറ്റു. നേരത്തേ കല്ലമ്മലില്‍ സ്ഥാപിച്ച മുസ്‌ലിം ലീഗ് കൊടിമരം നശിപ്പിക്കപ്പെട്ടിരുന്നു. ഇന്നലെ വീണ്ടും പുനഃസ്ഥാപിക്കുന്നതിനിടയില്‍ സി.പി.എം പ്രവര്‍ത്തകര്‍ യൂത്ത് ലീഗ് പ്രവര്‍ത്തകരെ അക്രമിക്കുകയും കൊടിമരം നശിപ്പിക്കുകയും ചെയ്തു.
സാരമായി പരുക്കേറ്റ അര്‍ക്ക തയ്യുള്ളതില്‍ റഷീദ്, കല്ലമ്മല്‍ ഇസ്മായില്‍ എന്നിവരെ വടകര ഹോസ്പിറ്റലില്‍ പ്രവേശിപ്പിച്ചു. മീത്തലേ കല്ലമ്മല്‍ ലിനീഷ്, ഷിമിത്ത് എന്നിവരടങ്ങുന്ന സംഘമാണ് അക്രമിച്ചതെന്നാണ് പരാതി. വളയം പൊലിസ് കേസെടുത്ത് അന്വേഷണം ആരംഭിച്ചു.