തലശ്ശേരി: മാഹിയില്‍ നിന്നു കേരളത്തില്‍ കടത്തുകയായിരുന്ന 15 ലിറ്റര്‍ മാഹി നിര്‍മിത മദ്യവുമായി രണ്ടു യുവതികളെ എക്‌സൈസ് സംഘം അറസ്റ്റ് ചെയ്തു. ഇന്നലെ വൈകിട്ടാണ് തലശ്ശേരി ടെമ്പിള്‍ ഗെയിറ്റിനു സമീപം നടത്തിയ വാഹന പരിശോധനയില്‍ സ്വകാര്യ ബസില്‍ സഞ്ചരിക്കുകയായിരുന്ന കൊട്ടിയൂര്‍ മന്നം ചേരി കോളനിയിലെ ലക്ഷ്മി (35), വിലങ്ങാട്ടെ അടപ്പ കോളനിയിലെ ജാനു (41) എന്നിവരെയ മദ്യവുമായി പിടികൂടിയത്. അസിസ്റ്റന്റ് എക്‌സൈസ് ഇന്‍സ്‌പെക്ടര്‍ പി കൃഷ്ണന്‍ പ്രിവന്റിവ് ഓഫിസര്‍ യു.പി മുരളീധരന്‍, ഗാര്‍ഡുമാരായ കെ.എം ദീപക്, കെ സോമന്‍, വനിതാ ഗാര്‍ഡ് ഷീന കേളോത്ത് എന്നിവരടങ്ങിയ സംഘമാണ് പിടികൂടിയത്.