കൊടുങ്ങല്ലൂര്‍: അഴീക്കോട് പൂട്ടിയിട്ട വീട്ടില്‍ മോഷണ ശ്രമം. പുത്തന്‍പള്ളി ജങ്ഷനു കിഴക്കുവശത്ത് മുല്ലക്കര അബ്ദുല്‍ ഗഫൂറിന്റെ വീട്ടിലണ് ശനിയാഴ്ച രാത്രിയില്‍ മോഷണ ശ്രമം നടന്നത്. മുന്‍വശത്തെ വാതില്‍ കുത്തിത്തുറന്ന് അകത്തുകയറിയ മോഷ്ടാവ് കിടപ്പു മുറികളിലെ അലമാരകളെല്ലാം തുറന്ന് വാരിവലിച്ചിട്ട് പരിശോധന നടത്തിയെങ്കിലും വിലപ്പിടിപ്പുളള ഒന്നും നഷ്ടപ്പെട്ടിട്ടില്ല.
ഗഫൂറിന്റെ ഭാര്യ ജമീല എറണാകുളത്തെ ഒരു സ്വകാര്യ ആസ്പത്രിയില്‍ ചികത്സയിലായതു കൊണ്ട് വീട്ടുകാര്‍ രാത്രിയില്‍ ആശുപത്രിലായിരുന്നു. ഇന്നലെ രാവിലെ വീട്ടിലെത്തിയപ്പോഴാണ് മോഷണ ശ്രമം കണ്ടെത്തിയത്.
കൊടുങ്ങല്ലൂര്‍ പൊലിസ് കേസ്സെടുത്ത് അന്വേഷണം നടത്തിവരുന്നു.