കയ്പമംഗലം: എടത്തിരുത്തി ഗ്രാമപഞ്ചായത്ത് 12-ാം വാര്‍ഡ് നിള കുടുംബശ്രീയുടെ ഒന്നാം വാര്‍ഷികവും സംഘ കൃഷിയുടെ വിളവെടുപ്പും നടത്തി. എടത്തിരുത്തി ഗ്രാമപഞ്ചായത്ത് വൈസ് പ്രസിഡന്റ് എ.വി സതീഷ് വാര്‍ഷികവും വിളവെടുപ്പും ഉദ്ഘാടനം നിര്‍വഹിച്ചു. വാര്‍ഡ് മെമ്പര്‍ ലതിക ബാലന്‍ അധ്യക്ഷയായി. സി.ഡി.എസ് ചെയര്‍പേഴ്‌സണ്‍ ആയിശബീവി കുടുംബശ്രീയെ കുറിച്ച് വിശദീകരിച്ചു. ബ്ലോക്ക്പഞ്ചായത്ത് വൈസ് പ്രസിഡന്റ് ഷീന വിശ്വന്‍, പഞ്ചായത്ത് ക്ഷേമകാര്യ സ്റ്റാന്റിംഗ് കമ്മിറ്റി ചെയര്‍മാന്‍ ടി.വി മനോഹരന്‍, വികസനകാര്യ സ്റ്റാന്റിംഗ് കമ്മിറ്റി ചെയര്‍പേഴ്‌സണ്‍ ഗീതമോഹന്‍ദാസ്, 11-ാം വാര്‍ഡ് മെമ്പര്‍ ഷിഹാബ് മുറിത്തറ, മുന്‍ മെമ്പര്‍ ടി.കെ ചന്ദ്രബാബു എന്നിവര്‍ സംസാരിച്ചു. അയല്‍ക്കൂട്ടം അംഗം ഷിനി പ്രദീപ് സ്വാഗതവും, സ്മിത ശ്രീജിത്ത് നന്ദിയും പറഞ്ഞു.