കൊല്‍ക്കത്ത: ഐ.പി.എല്ലില്‍ ഇന്നലെ നടന്ന രണ്ടാം മത്സരത്തില്‍ റെയ്‌സിങ് പൂനെ സൂപ്പര്‍ജയ്ന്റ്‌സിനെതിരേ കൊല്‍ക്കത്ത നൈറ്റ്‌റൈഡേഴ്‌സിനു എട്ടു വിക്കറ്റ് വിജയം. മത്സരത്തില്‍ മഴ വില്ലനാപ്പോള്‍ കൊല്‍ക്കത്തയുടെ വിജയ ലക്ഷ്യം ഒന്‍പതോവറില്‍ 66 റണ്‍സായി പുനര്‍നിര്‍ണയിച്ചു. അഞ്ചോവറില്‍ രണ്ടു വിക്കറ്റ് മാത്രം നഷ്ടപ്പെടുത്തി കൊല്‍ക്കത്ത വിജയം പിടിച്ചു.

18 പന്തില്‍ നാലു ഫോറും മൂന്നു സിക്‌സും പറത്തി 37 റണ്‍സ് വാരിയ യൂസുഫ് പത്താന്റെ ബാറ്റിങാണ് കൊല്‍ക്കത്തന്‍ വിജയം അനായാസമാക്കിയത്. നേരത്തെ ആദ്യം ബാറ്റു ചെയ്ത പൂനെ 17.4 ഓവറില്‍ ആറു വിക്കറ്റിനു 103 റണ്‍സെന്ന നിലയില്‍ നില്‍ക്കെ മഴയെത്തുകയായിരുന്നു. ജയത്തോടെ കൊല്‍ക്കത്ത പ്ലേയോഫിനോടടുത്തു.