കോതമംഗലം: കവളങ്ങാട് ഗ്രാമപഞ്ചായത്ത് കുടുംബശ്രീ സി.ഡി.എസ് നടപ്പിലാക്കുന്ന ഗൃഹശ്രീ ഭവന നിര്‍മാണ പദ്ധതി ഗ്രാമ പഞ്ചായത്ത് പ്രസിഡന്റ് ബീന ബെന്നി ഉദ്ഘാടനം ചെയ്തു. പതിനാലാം വാര്‍ഡിലെ താമസക്കാരിയും വിധവയുമായ ശോശാമ്മ ഇത്താപ്പിരിക്കാണ് വീട് നിര്‍മ്മിച്ചു നല്കുന്നത്. വൈസ് പ്രസിഡന്റ് എ.ജെ. ഉലഹന്നാന്‍ അദ്ധ്യക്ഷനായിരുന്നു.സ്റ്റാന്റിങ് കമ്മിറ്റി അധ്യക്ഷരായ ഷിജി അലക്‌സ്, സൈജന്റ് ചാക്കോ, അംഗങ്ങളായ  ജോഷി കുര്യാക്കോസ്,എബിമോന്‍ മാത്യൂ, അനീഷ് മോഹനന്‍, ജസ്റ്റിന്‍ ജോസ്, സി.ഡി.എസ് ചെയര്‍പേഴ്‌സന്‍ രശ്മി കൃഷ്ണകുമാര്‍ എന്നിവര്‍ സംസാരിച്ചു.