ഇസ്‌ലാമാബാദ്: പാകിസ്താനിലെ ബലൂചിസ്താന്‍ തലസ്ഥാനമായ ക്വാറ്റയില്‍ ഭീകരാക്രമണം. ക്വറ്റയിലെ പൊലിസ് ട്രെയിനിങ് അക്കാദമിക്ക് നേരെയാണ് ഭീകരാക്രമണം. സംഭവത്തില്‍ 60 പേര്‍ മരണമടയുകയും 118 പേര്‍ക്ക് പരുക്കേല്‍ക്കുകയും ചെയ്തു.

തിങ്കളാഴ്ച അര്‍ധരാത്രിയിലാണ് സംഭവം. രാത്രി 11.10ഓടെ ട്രെയിനിങ് കോളജിന്റെ ഹോസ്റ്റലില്‍ കടന്ന ഭീകരര്‍ വെടിയുതിര്‍ക്കുകയായിരുന്നു. പ്രത്യാക്രമണം നടത്തിയ പൊലിസ് മൂന്നു ഭീകരരെ വധിക്കുകയും ചെയ്തു.

അക്രമണം നടക്കുമ്പോള്‍ ട്രെയിനിങ് ക്യാംപില്‍ 700 ഓളം വിദ്യാര്‍ഥികളുണ്ടായിരുന്നു. 200 ലധികം പേരെ സുരക്ഷിതമായി പറത്തെത്തിച്ചതായി അധികൃതര്‍ അറിയിച്ചു. ആക്രമണത്തിന്റെ ഉത്തരവാദിത്വം ആരും ഏറ്റെടുത്തിട്ടില്ല. കഴിഞ്ഞ ആഗസ്തില്‍ ക്വറ്റയിലെ ആശുപത്രിക്കുനേരെയുണ്ടായ ആക്രമണത്തില്‍ 88 പേര്‍ കൊല്ലപ്പെട്ടിരുന്നു.