ന്യൂഡല്‍ഹി: യുവതിയെ ഡല്‍ഹിയില്‍ കുത്തിക്കൊലപ്പെടുത്തി. ഡല്‍ഹി എം.ജി റോഡിലെ മെട്രോ റെയില്‍വേ സ്റ്റേഷനില്‍ ഇന്നലെ രാവിലെ 9.30നായിരുന്നു സംഭവം.
മേഘാലയ സ്വദേശിനിയായ പിങ്കി(22)യെയാണ് ജിതേന്ദ്ര(25) കുത്തികൊലപ്പെടുത്തിയത്. സംഭവത്തെ തുടര്‍ന്ന് സി.ഐ.എസ്.എഫും മെട്രോ റെയില്‍ ജീവനക്കാരും സ്ഥലത്തെത്തി യുവതിയെ ആശുപത്രിയില്‍ എത്തിച്ചെങ്കിലും രക്ഷിക്കാനായില്ല. യുവതിക്കുനേരെ ആക്രമണമുണ്ടായ സ്ഥലത്ത് സുരക്ഷാ സേനയുടെ സാന്നിധ്യമുണ്ടായിരുന്നില്ല.