എറണാകുളം ജില്ലയില്‍ പ്രവര്‍ത്തിച്ചുകൊണ്ടിരിക്കുന്ന 16 താല്‍ക്കാലിക ജുഡീഷ്യല്‍ മജിസ്‌ട്രേറ്റ് കോടതികളിലേക്ക് കരാര്‍ അടിസ്ഥാനത്തില്‍ ജോലി ചെയ്യുന്നതിനു പി.എസ്.സി നിഷ്‌കര്‍ഷിക്കുന്ന യോഗ്യതയുളള ഉദ്യോഗാര്‍ഥികളില്‍നിന്ന് അപേക്ഷ ക്ഷണിച്ചു. അപേക്ഷകള്‍ ഒക്ടോബര്‍ 31ന് വൈകിട്ട് അഞ്ചിനു മുന്‍പ് എറണാകുളം ചീഫ് ജുഡീഷ്യല്‍ മജിസ്‌ട്രേറ്റ് കോടതിയില്‍ ലഭിക്കണം.

ഓരോ തസ്തികയ്ക്കും പ്രത്യേകം അപേക്ഷിക്കണം. (അപേക്ഷകര്‍ നിര്‍ബന്ധമായും അവരവരുടെ ഫോണ്‍ നമ്പര്‍ അപേക്ഷയില്‍ ചേര്‍ക്കണം).
തസ്തികകളും ശമ്പളവും: എല്‍.ഡി. ക്ലര്‍ക്ക് 17,000 രൂപ (കംപ്യൂട്ടര്‍ പരിജ്ഞാനം ഉള്ളവര്‍ക്ക് മുന്‍ഗണന) എല്‍.ഡി ടൈപ്പിസ്റ്റ് 17,000 രൂപ, പ്യൂണ്‍, ഒ.എ 14,000 രൂപ, പി.ടി സ്വീപ്പര്‍ 7000 രൂപ. അപേക്ഷകരുടെ പ്രായം 60 കവിയരുത്. നിയമനം 179 ദിവസത്തേക്കോ 2017 മാര്‍ച്ച് 31 വരെയോ 60 വയസ് തികയുന്നതുവരെയോ ഇതില്‍ ഏതാണോ ആദ്യം അതുവരെയായിരിക്കും.