വടക്കാഞ്ചേരി: കരുതക്കാട് നൂറുല്‍ ഹുദാ മദ്രസ്സയുടേയും എസ്.കെ.എസ്.ബി.വി കരുതക്കാട് യൂണിറ്റിന്റേയും നേതൃത്വത്തില്‍ മുഅല്ലിം  ദിനാചരണവും മസ്ജിദുന്നൂര്‍ ആത്മീയ സദസും നടന്നു.
മഹല്ല് പ്രസിഡന്റ് പി.എ മുഹമ്മദ് കുട്ടി ഉദ്ഘാടനം ചെയ്തു. മഹല്ല് സെക്രട്ടറി ടി.എച്ച് മുഹമ്മദ് ഷെഫീക്ക് അധ്യക്ഷനായി. അബ്ദുള്ള അഷ്‌റഫി തിരുനെല്ലൂര്‍ മുഖ്യപ്രഭാഷണം നടത്തി. മഹല്ല് ഖത്തീബ് അബൂബക്കര്‍ സിദ്ദീഖ് അല്‍ ഹൈത്തമി മജ്‌ലിസുന്നൂറിന് നേതൃത്വം നല്‍കി. ഇബ്രാഹിം അന്‍വരി, കെ.എ ഷെഫീഖ് ദാരിമി, കെ.എ അബ്ബാസ് ദര്‍സി, പി.വി സിദ്ദീഖ് ദര്‍സി, പി.യു മുഹമ്മദ്, കളപ്പറമ്പില്‍ ഹൈദ്രു, എം.എം സിദ്ധീഖ്, പി.എ ആഷിഖ്, പി.എസ് ഷാഹുല്‍ ഹമീദ് എന്നിവര്‍ പ്രസംഗിച്ചു. സ്വദര്‍ മുഅല്ലിം കെ.പി മൂസല്‍ ഫൈസി സ്വാഗതവും, എം.ഷാമില്‍ നന്ദിയും പറഞ്ഞു.