തിരുവനന്തപുരം: തെരുവുനായയുടെ കടിയേറ്റ വൃദ്ധന്‍ മരിച്ചു. വര്‍ക്കല സ്വദേശി ചുരുളവീട്ടില്‍ രാഘവ(90)നാണ് മരണപ്പെട്ടത്. തിരുവനന്തപുരം മെഡിക്കല്‍ കോളജില്‍ ചികില്‍സയിലായിരുന്നു ഇയാള്‍.

വീടിന്റെ വരാന്തയില്‍ കിടന്നുറങ്ങുകയായിരുന്ന രാഘവനെ ഇന്ന് പുലര്‍ച്ചെ 4.30 ഓടെയാണ് തെരുവു നായകള്‍ ആക്രമിച്ചത്. ഇയാള്‍ക്ക് മുഖത്തും തലയിലും കാലിനും ആഴത്തില്‍ മുറിവേറ്റിട്ടുണ്ടായിരുന്നു.