ചാവക്കാട്: എടക്കഴിയൂര്‍ നാലാം കല്ലില്‍ ഓട്ടോ ഡ്രൈവര്‍ക്ക് വെട്ടേറ്റ സംഭവത്തില്‍ യുവാവിനെ ചാവക്കാട് പൊലിസ് അറസ്റ്റു ചെയ്തു.
എടക്കഴിയൂര്‍ നാലാം കല്ല് കണ്ടാണത്ത് മുനീറിനെയാണ് (32) ചാവക്കാട് പൊലിസ്  അറസ്റ്റ് ചെയ്തത്. കഴിഞ്ഞ ദിവസം ഓട്ടോ ഡ്രൈവറായ എടക്കഴിയൂര്‍ നാലാം കല്ല് തൈപറമ്പില്‍ ഷജീറി(25)നെ വെട്ടി പരുക്കേല്‍പിച്ച കേസിലാണ് ഇയാള്‍ അറസ്റ്റിലായത്.
നാലാംകല്ല് സെന്ററിലെ ഓട്ടോ പാര്‍ക്കില്‍ ഓട്ടോയില്‍ ഇരിക്കുമ്പോഴാണ് മുനീര്‍ ഷജീറിനെ കോഴിക്കടയില്‍ ഇറച്ചിവെട്ടാന്‍ ഉപയോഗിക്കുന്ന കത്തി ഉപയോഗിച്ച് വെട്ടി പരുക്കേല്‍പിച്ചത്. പ്രതിയെ കോടതിയില്‍ ഹാജരാക്കി.ഇരു കൈകള്‍ക്കും, പുറത്തും, മുഖത്തും വെട്ടേറ്റ ഷജീര്‍ മുതുവട്ടൂരിലെ സ്വകാര്യ ആസ്പത്രിയില്‍ ചികിത്സയിലാണ്.