റിയാദ്: കൊടും തീവ്രവാദികളുടെ ലിസ്റ്റില്‍പ്പെട്ട സഊദി പൗരന്‍ ഒടുവില്‍ മനംമാറ്റത്തോടെ കീഴടങ്ങി. വിവിധ രാജ്യങ്ങളില്‍ തീവ്രവാദ പ്രവര്‍ത്തനത്തിനു നേതൃത്വം നല്‍കിയതിന് ആഭ്യന്തര മന്ത്രാലയം പിടികിട്ടാപ്പുള്ളിയായി പ്രഖ്യാപിച്ച ഉസാമ അലി അബ്ദുല്ല ദംജാന്‍ ആണ് കീഴടങ്ങിയത്.      
വര്‍ഷങ്ങള്‍ക്കു മുന്‍പ് ആഭ്യന്തര മന്ത്രാലയം ഇയാളെ ഭീകരപട്ടികയില്‍ ഉള്‍പ്പെടുത്തി അന്വേഷിച്ചുവരുകയായിരുന്നു.
2001ല്‍ അഫ്ഗാനിസ്ഥാനിലേക്കു പോകുകയും അവിടെ കാണ്ഡഹാറില്‍ ഉസാമ ബിന്‍ലാദന്റെ നേതൃത്വത്തിലുള്ള അല്‍ഫാറൂഖ് ട്രെയിനിങ് സെന്ററില്‍ പരിശീലനത്തിലേര്‍പ്പെടുകയും ചെയ്തു. പിന്നീട് അമേരിക്കയിലെ 9-11 ആക്രമണത്തിനു ശേഷം ഇറാനിലേക്കു നീങ്ങുകയായിരുന്നു.