തൃക്കരിപ്പൂര്‍: ആക്മി സ്‌പോര്‍ട്‌സ് ക്ലബ് തൃക്കരിപ്പൂര്‍ മിനി സ്റ്റേഡിയത്തില്‍ സംഘടിപ്പിച്ച ഇലവന്‍സ് ഫുട്‌ബോള്‍ ലീഗ് ചാംപ്യന്‍ഷിപ്പ് സമാപിച്ചു.  മെട്ടമ്മല്‍ ബ്രദേഴ്‌സ് മെട്ടമ്മലിനെ ആതിഥേയരായ ആക്മി സ്‌പോര്‍ട്‌സ് ക്ലബ് ഏകപക്ഷീയമായ മൂന്നു ഗോളിനു പരാജയപ്പെടുത്തി ചാംപ്യന്മാരായി. ജില്ലാ ഫുട്‌ബോള്‍ അസോസിയേഷന്‍ മുന്‍  പ്രസിഡന്റ് എം.ടി.പി അബ്ദുല്‍ ഖാദര്‍ എ.ബി ഖാദര്‍ ഹാജി മെമ്മോറിയല്‍ ട്രോഫി വിതരണം ചെയ്തു. ഇപ്പോഴും ഫുട്‌ബോള്‍ കളിയില്‍ സജീവമായ എഴുപതു പിന്നിട്ട വി.പി സിദ്ദീഖ്, അറുപതുകാരനായ നാരായണന്‍ എന്നിവരെ ആദരിച്ചു. ഒ.ടി അഹമ്മദ് ഹാജി, സി സത്താര്‍, വളപട്ടണം റഷീദ്, യു.പി ഷറഫുദ്ദീന്‍, മൈലാഞ്ചി അബ്ദുല്ല, കെ ഭാസ്‌ക്കരന്‍, എ.ബി ബഷീര്‍ ഉദിനൂര്‍, സി.ടി ഷാഹുല്‍ ഹമീദ് എന്നിവര്‍ മെഡലുകള്‍ വിതരണം ചെയ്തു.