വടകര: അനര്‍ഹരെ ഒഴിവാക്കി അര്‍ഹരായ മുഴുവന്‍ ആളുകളെയും മുന്‍ഗണനാ ലിസ്റ്റില്‍ ഉള്‍പ്പെടുത്തി റേഷന്‍ സംവിധാനം കാര്യക്ഷമമാക്കണമെന്നാവശ്യപ്പെട്ട് ആര്‍.എം.പി.ഐ വടകരയില്‍ പ്രതിഷേധ സായാഹ്നം സംഘടിപ്പിച്ചു.
കെ.കെ രമ ഉദ്ഘാടനം ചെയ്തു. ആഗോളവല്‍ക്കരണ നയങ്ങളാണ് കേരളത്തിലെ റേഷന്‍ സംവിധാനത്തെ തകര്‍ത്തത്. കേന്ദ്ര- കേരള സര്‍ക്കാരുകള്‍ ആവശ്യമായ നയങ്ങള്‍ അടിയന്തരമായി നടപ്പാക്കി റേഷന്‍ സംവിധാനം കാര്യക്ഷമമാക്കണമെന്നും അവര്‍ പറഞ്ഞു. ജില്ലാ സെക്രട്ടറി കെ.പി പ്രകാശന്‍, കെ. ലിനീഷ് സംസാരിച്ചു.
കക്കട്ടില്‍: ഭക്ഷ്യസുരക്ഷാ പദ്ധതി നടപ്പാക്കാതെ റേഷന്‍ സംവിധാനം അട്ടിമറിച്ച ഇടത്, വലത് സര്‍ക്കാര്‍ നയങ്ങള്‍ക്കെതിരേ റേഷന്‍കടകള്‍ക്ക് മുന്നില്‍ ബി.ജെ.പി പ്രവര്‍ത്തകര്‍ ധര്‍ണ നടത്തി. കെ. ദിലീപ് ഉദ്ഘാടനം ചെയ്തു. വി.പി ഷാജി അധ്യക്ഷനായി. നാണു പറമ്പത്ത് കുമാരന്‍, ലക്ഷ്മണന്‍ സംസാരിച്ചു.